Þakklætisvottur Icelandair

Icelandair hefur ákveðið að veita Norðurlandaþjóðunum 25% afslátt af sætum í almennu farrými til Íslands og til Bandaríkjanna frá og með morgundeginum. Afslátturinn verður í boði til 27. nóvember. Með þessu vill Icelandair þakka frændþjóðunum fyrir að hafa komið Íslendingum til hjálpar í fjármálakreppunni.

„Norðurlandaþjóðirnar hafa komið Íslandi til bjargar með því að veita þeim lán, og við erum afar þakklát fyrir það,“ segir í tilkynningu sem fyrirtækið hefur sent frá sér.

Þær ferðir sem eru keyptar á þessum afslætti verða að vera farnar fyrir 31. mars.

„Nú getur þú ferðast hingað og upplifað jólaanda, sem minnir einna helst á eitthvað úr kvikmynd, á meðan þú verslar jólagjafir eða bíður fram yfir áramót þegar þú færð tækifæri til að slaka á,“ segir í tilkynningu frá Icelandair.