Skólastarf fellur niður vegna veðurs

Skólastarf fellur niður í dag hjá ýmsum skólum á norðanverðu landinu vegna veðurs. Slæmt ferðaveður er á norðanverðu landinu. Á Norðurlendi vestra er ófært og stórhríð frá Blönduósi í Varmahlíð og yfir Þverárfjallog frá Hofsósi í Siglufjörð. Ekkert hefur verið flogið innanlands í morgun vegna veðurs.

Skóli fellur niður hjá Grunnskólanum austan Vatna (Hofsós, Hólar, Fljótin) í dag. Það sama er að segja um Varmahlíðarskóla, grunnskóla Húnaþings vestra á Hvammstanga, Laugarbakka,  Stórutjarnaskóla  og víðar.

Að sögn Vegagerðarinnar er ófært á sunnanverðurm Vestfjörðum  og stórhríð á Klettshálsi. Háklublettir og stórhríð er á Hjallahálsi og Ódrjúgshálsi en  annars hálkublettir og snjóþekja.

Í Ísafjarðardjúpi og á Steingrímsfjarðarheiði er beðið með mokstur vegna veðurs. Í Skagafirði er hálka og óveður. Á Norðurlandi eystra er ófært og stórhríð á Víkurskarði og Hólasandi. Þungfært og stórhríð er á Grenivíkurvegi og á Mývatnsheiði.

Snjóþekja og stórhríð er á Fljótsheiði. Þæfingsfærð og óveður er á milli Raufarhafnar og Þórshafnar. Þæfingsfærð og stórhríð er frá Reykjahlíð í Múvatnssveit og í Jökuldal. Á  Austurlandi er snjóþekja og verið er að hreinsa vegi. Suðaustanlands eru hálkublettir og snjóþekja en áSuðurlandi er greiðfært á flestum aðalleiðum.

• 3 blogg um fréttina

Bloggað um fréttina

• Arnþór Ragnarsson: Ja hérna, allir á skíði!
• Linda Pé: Ekkert að veðri á Ísafirði :)
• Jóhanna Magnúsar- og Völudóttir : Kósý heima með kakó og kertaljós