Jörð skalf við Grindavík
Setja bókamerki
Snarpur jarðskjálfti varð í kvöld norðvestur af Grindavík og fannst vel á höfuðborgarsvæðinu. Samkvæmt óyfirförnum tölum á vef Veðurstofunnar var skjálftinn 3,9 stig á Richter og átti upptök sín nálægt Svartsengi.
Samkvæmt vef evrópsku jarðskjálftastofnunarinnar var skjálftinn 4,7 stig.
Fjöldi eftirskjálfta hefur fylgt í kjölfarið en þeir eru allir minni eða á bilinu 1,5-2,2 stig.
Að sögn vakthafandi lögreglumanns á Suðurnesjum hafa engar tilkynningar borist um tjón eða meiðsli vegna skjálftans, þótt hann hafi sennilega ekki farið fram hjá neinum íbúa Grindavíkur. Þar svignuðu rúður í húsum og hurðar fóru á hreyfingu en Suðurnesjabúar virðast upp til hópa hafa tekið skjálftanum af stakri ró að sögn lögreglunnar.
Í dag er ár liðið frá Suðurlandsskjálftunum sem ollu miklu tjóni í Hveragerði, Ölfusi og Árborg.
110 milljónir í stöðu prófessors
Fresta framkvæmdum við Landspítala
Par flutt á bráðamóttöku eftir árás
Hjúkrunarfræðingar skrifa undir kjarasamning
Klúr skrif beindust einnig gegn börnum
Var rétt komin ofan í sprunguna
Minni tafir en í sambærilegum borgum