Veiðihundur stökkti þjófi á flótta

Frækinn veiðihundur af labradorkyni hrakti innbrotsþjóf á flótta um miðja nótt meðan heimilisfaðirinn sem var einn heima lá skelfingu lostinn í rúminu og hlustaði á aðfarirnar. Einu merkin um mannaferðir eftir að hundurinn hafði unnið sitt verk var blóð á veröndinni og brotin hurðarlæsing.

Tíkin Tara Líf er margverðlaunaður veiðihundur en þetta er í þriðja skiptið sem hún hrekur burtu óboðna gesti. Aldrei hafa þeir þó verið komnir inn í húsið fyrr.

Lögreglan sagði heimilisföðurnum að morguninn eftir hremmingarnar hefði maður leitað til læknis í nágrenni höfuðborgarinnar með hundsbit á fæti. Hann bar því við að svartur úlfhundur hefði ráðist á sig við Þingvallavatn. Ekki liggur fyrir hvort þarna var kominn innbrotsþjófurinn en hann vildi ekki leggja fram kæru eða ræða atvikið nánar við lækninn.

• 4 blogg um fréttina

Bloggað um fréttina

• Guðmundur St Ragnarsson: Tara Líf er þjófahlíf
• Jóhanna Sigrún Jónsdóttir: Hundur er málið
• Jóna Kolbrún Garðarsdóttir: Hundar eru góðir
• Hafsteinn Viðar Ásgeirsson: Ég sæi nú hana Perlu mína.