Jarðskjálftahrina er hafin undir toppi Eyjafjallajökuls.  Í samráði við jarðvísindamenn á Veðurstofu Íslands hefur verið tekin ákvörðun um rýmingu sunnan jökulsins öryggisskyni.   Rýmt verður frá Markarfljóti í vestri austur að Skógum og nú er verið að hringja á þá bæi  sem beðnir eru um að rýma.   Lögreglan á Hvolsvelli og björgunarsveitir hafa umsjón með rýmingunni.   Samhæfingarmiðstöð hefur verið virkjuð og fylgst er með framvindu í samvinnu við jarðvísindamenn.    

Bergþóra Þorbjarnardóttir, jarðeðlisfræðingur hjá Veðurstofunni segir hrinuna „sérstaklega öfluga“ og skjálftana marga. Þeir stærstu eru yfir 2,5 stig. Þessu fylgir gosórói í toppgíg jökulsins, vestar en verið hefur og undir ís. Hrinan stendur enn.

 Lögreglan á Hvolvelli hefur enn ekki nákvæma tölu á fjölda bæja sem þarf að rýma.

Jarðskjálftahrinan hófst um kl. 23 í kvöld. Virkni á svæðinu hafði verið lítil sólarhringinn þar á undan og jarðvísindamenn töldu gosinu á Fimmvörðuhálsi líklega lokið.

 Þekkir þú til? Fannstu skjálfta? Býrðu á svæðinu? Vinsamlega hafðu samband  á netfrett@mbl.is

Hér sést rýmingarsvæði vegna eldgosa í Eyjafjallajökli.

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir

• 3 blogg um fréttina

Bloggað um fréttina

• Sigurður Haraldsson: Þetta er bara birjunin!
• Jóna Kolbrún Garðarsdóttir: Eldgosið ekki hætt
• S i g u r ð u r S i g u r ð a r s o n: Skyndilegt lífsmark undir jöklinum