Af mælingum Veðurstofu Íslands má ráða að gosvirkni undir Eyjafjallajökli hefur enn aukist frá því í dag. Auk þess má á myndum úr vefmyndavélum sjá, að sjóðandi heitt vatn kemur undan Gígjökli. Gufumekkir stíga upp frá vatninu sem að endingu rennur í Markarfljót.

Líkt og greint hefur verið fá í dag hefur gosvirkni aukist. Hins vegar eru engar einhlítar skýringar á því hvers vegna eða hvaða afleiðingar það hafi í för með sér. Af því má þó ráða að ekkert bendi til þess að gosið í Eyjafjallajökli sé á undanhaldi.  

Þrátt fyrir að gosvirkni sé að aukast er jarðskjálftavirkni með minnsta móti. Undanfarnar 48 klukkustundir hefur ekki einn jarðskjálfti mælst í eða við Eyjafjallajökul né Mýrdalsjökul, samkvæmt því sem fram kemur á Veðurstofu Íslands.

Næstu daga, eða fram á fimmtudag verður vestan og norðvestanátt og því líkur á öskufalli austur og suðaustur af eldstöðinni.

Mælingar Veðurstofu Íslands á gosóróa sýna að hann hefur aukist verulega í dag. Mynd/vedur.is

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir

• 3 blogg um fréttina

Bloggað um fréttina

• Pétur H. Blöndal: Fellur Gígjökull niður?
• Njörður Helgason: Gufa í beinni.
• S i g u r ð u r S i g u r ð a r s o n: Baðheitt vatn í allan dag í Markarfljóti