Borgarblíða áfram á morgun og mánudag

Útlit er fyrir áframhaldandi blíðvirði í höfuðborginni og á suðvesturhorninu á morgun og mánudag. Á þriðjudag og miðvikudag verður að líkindum rólegt veður á öllu landinu en í lok viku fer að hlýna á Norður- og Austurlandi.

Þrálát norðan og norðaustanátt undanfarna daga hefur skilað sér í brakandi blíðu sunnan og vestanlands en hefur að sama skapi gert litla lukku norðan og austanlands.

Að mati Veðurstofunnar verður rólegt veður á mestöllu landinu á þriðjudag og miðvikudag, en þá gætu hægar suðlægar áttir hlýindum á Norður- og Austurlandi farið að gera vart við sig.

Það er brakandi blíða í borginni í dag. Það var einnig blíðviðri á Austurvelli í gær þar sem þessi mynd var tekin. mbl.is/Ómar

• Blogga um frétt