Leggja lokahönd á Landeyjahöfn

Landeyjahöfn markar nýtt tímabil í samgöngum milli lands og Vestmannaeyja. Í raun er um byltingu að ræða, svo mikil er breytingin. Á morgun mun Herjólfur sigla inn í Landeyjahöfn og þar með vígja þetta mikla mannvirki Suðurlands.
 
Ferðir Herjólfs verða tíðari eftir að nýja höfnin verður tekin í notkun. Yfir sumartímann verður siglt ýmist fjórum eða fimm sinnum á milli. Hver ferð milli Landeyja og Vestmannaeyja tekur aðeins rúman hálftíma. Til samanburðar tekur ferðin frá Þorlákshöfn til Eyja tæpar þrjár klukkustundir.
 
Þessa stundina leggja tugir iðnaðarmanna lokahönd á verkið. Margir hafa unnið þar mánuðum saman og hlakka mikið til þess að komast loksins í sumarfrí.

• 4 blogg um fréttina

Bloggað um fréttina

• Sigurður Jónsson: Merkisdagur í sögu Vestmannaeyja.
• Sigurbjörg Eiríksdóttir: Tímamót
• Haraldur Haraldsson: Leggja lokahönd á Landeyjahöfn/til hamingju Eyjamenn,en þetta eykur ferðamannastraumin!!!
• Hecademus: Til hamingju Eyjamenn