Norskur lögfræðiprófessor, Peter Ørebech, segir í grein í blaðinu í dag að það væri brot á lögum Evrópusambandsins, tilskipun 94/19, um innistæðutryggingakerfi fjármálastofnana í aðildarríkjunum ef þjóðríki væri látið ábyrgjast greiðslurnar. Framlög í sjóðinn koma frá einkareknum fjármálastofnunum.

Hann er ósammála Eftirlitsnefnd Evrópska efnahagssvæðisins (ESA) og segir að hvorki íslenska ríkisstjórnin né íslenska þjóðin eigi að borga fyrir Icesave-hrunið.

Ørebech bendir á að í lögunum sé sagt að innistæðutryggingakerfi í hverju aðildarríki skuli bera ábyrgð á allt að 20.000 evrum, mikilvægt sé að vekja athygli á orðunum allt að. „Fjárhæðin er ekki, eins og ESA heldur fram, lágmarksfjárhæð sem beri að ábyrgjast. Um er að ræða hámark.“

Tengdar fréttir

Icesave

Bresk stjórnvöld létu Ísland róa

• Íslendingar í efnahagslegu stríði
• Icesave var stærsta dómsmál EFTA
• Hefði kostað 208 milljarða
• „Grýla er dauð“

» Fleiri tengdar fréttir