Skeljungur hefur hækkað eldsneytisverð um 3,40 krónur lítrann og kostar nú bensínlítrinn 209 krónur í sjálfsafgreiðslu hjá Skeljungi en 215 krónur í þjónustu. Lítrinn af dísil kostar nú 208,70 krónur í sjálfsafgreiðslu. Olís hækkaði eldsneytisverð fyrr í dag en aðrar stöðvar hafa ekki hækkað verð.
Á höfuðborgarsvæðinu er lítrinn af eldsneyti ódýrastur hjá Orkunni, 203,40 krónur, en hann kostar 203,50 krónur hjá Atlantsolíu og ÓB.