Ömurleg frammistaða Moody's

Ólaf­ur Ragn­ar Gríms­son, for­seti Íslands, sagði við sjón­varp Bloom­berg frétta­stof­unn­ar, að hann hefði ekki sér­leg­ar áhyggj­ur af yf­ir­lýs­ing­um mats­fyr­ir­tæk­is­ins Moo­dy's um að láns­hæfis­ein­kunn ís­lenska rík­is­ins kunni að lækka niður í rusl­flokk ef Íslend­ing­ar höfnuðu Ices­a­ve-lög­un­um í þjóðar­at­kvæðagreiðslu.

„Frammistaða Moo­dy's  við að meta láns­hæfi Íslands er öm­ur­leg því þegar ís­lensku bank­arn­ir áttu í erfiðleik­um gaf Moo­dy's þeim AAA ein­kunn," sagði Ólaf­ur Ragn­ar. „Ég held að Moo­dy's ætti frek­ar að taka til­lit til þess, að er­lend stór­fyr­ir­tæki á borð við Rio Tinto og Alcoa vilji fjár­festa á Íslandi. Raun­ar hef­ur Rio Tinto ný­lega til­kynnt, að fyr­ir­tækið ætli að fjár­festa 5 millj­arða dala í end­ur­nýj­un á ál­veri á Íslandi og fjár­fest­ar frá Evr­ópu og Banda­ríkj­un­um urðu í síðustu viku stór­ir hlut­haf­ar í stærsta skipa­fé­lag­inu á Íslandi og ís­lensk­um banka. Alþjóðleg­ir fjár­fest­ar og fyr­ir­tæki eru því að fjár­festa á Íslandi og Moo­dy's ætti að taka til­lit til þess," sagði Ólaf­ur Ragn­ar. 

Már Guðmunds­son, seðlabanka­stjóri, sagði við frétta­menn við Stjórn­ar­ráðið í dag, að unnið sé að því inn­an Seðlabank­ans að er­lend mats­fyr­ir­tæki lækki ekki láns­hæfis­ein­kunn Íslands í kjöl­far niður­stöðu Ices­a­ve-kosn­ing­anna.

Sagði Már í frétt­um Bylgj­unn­ar að bank­inn væri í stöðugu sam­bandið við mats­fyr­ir­tæk­in, þó ekki hafi verið um að ræða form­lega fundi. Vænta mætti frek­ari frétta af viðbrögðum mats­fyr­ir­tækja síðar í dag eða á morg­un.

• 15 blogg um frétt­ina

Bloggað um frétt­ina

• Birg­ir Rún­ar Sæ­munds­son: A Letter to the Presi­dent of Ice­land.
• Jón Snæ­björns­son: Hann er þó að reyna þessi "ræf­ill" .......
• Jón Ingi Cæs­ars­son: Hættu sem for­seti og drífðu þig í póli­tík.
• Viggó Jörgens­son: Þetta eru fjár­glæfra­fyr­ir­tæki.
• Svan­ur Gísli Þorkels­son: Þú ert rek­inn
• Guðrún María Óskars­dótt­ir.: For­set­inn tal­ar máli þjóðar­inn­ar á er­lendri grund.
• Óskar: Seg­ir maður­inn sem flaug um heim­inn með bankakrimm­un­um og nældi …
• Ómar Sig­urðsson: For­set­inn kem­ur okk­ur til bjarg­ar
• Páll Vil­hjálms­son: For­set­inn tal­ar Ísland upp, rík­is­stjórn­in niður
• Ívar Páls­son: For­set­inn fremst­ur
• S i g u r ð u r S i g u r ð a r s o n: Kvarts­ár og aðgerðarlaus rík­is­stjórn
• Gunn­ar Gunn­ars­son: Dap­ur­legt
• Sig­urður Þórðar­son: For­set­inn ver Ísland
• Guðmund­ur Ásgeirs­son: Mats­fyr­ir­tæk­in eru í rusl­flokki
• Sveinn Eg­ill Úlfars­son: Ólaf­ur, loks­ins ein­hver sem bít­ur frá sér