Múlakaffi segir að eldsupptökin á Höfðatorgi tengist ekki starfsemi veitingastaðarins Intro í glerskálanum á Höfðatorgi, þar sem mikill eldur kom upp fyrr í dag.

Múlakaffi hefur nú sent frá sér tilkynningu vegna eldsvoðans þar sem það sver af sér tengsl við eldsupptökin.

mbl.is greindi frá því í dag að eldur hefði komið upp viðbyggingu Turnsins á Höfðatorgi um hádegisbilið. Múlakaffi rekur þar veitingahúsið Intró en veitingasalurinn hefur orðið fyrir umtalsverðu tjóni.

Frétt af mbl.is

Kviknaði líklega í lyftustokki

Rýming gekk vel, engan sakaði og hefur slökkviliðið ráðið niðurlögum eldsins. Tjónið er engu að síður umtalsvert, að sögn Múlakaffis, og hefur í för með sér röskun á starfsemi hjá rekstraraðilum á jarðhæð Turnsins.

„Hugur okkar er hjá starfsfólki og öðrum rekstraraðilum í Turninum,” er haft eftir Guðríði Maríu Jóhannesdóttur, framkvæmdastjóra Múlakaffism í tilkynningunni.

Frétt af mbl.is

Myndir innan úr Katrínartúni eftir eldsvoðann

Guðríður María Jóhannesdóttir, framkvæmdastjóri Múlakaffis sem á og rekur Intro á Höfðatorgi. Ljósmynd/Aðsend

Eldurinn tengist lagnaleið á milli kjallara og jarðhæðar

„Það er alltaf áfall þegar upp kemur eldur í fyrirtækjum eða á heimilum en við hjá Intro viljum koma því skýrt á framfæri að eldsupptök tengjast veitingastaðnum ekki á nokkurn hátt,” er haft eftir Guðríði Maríu.

Múlakaffi segir að eldsupptök séu talin tengjast lagnaleið á milli kjallara og jarðhæðar

„Eldurinn virðist hafa komið upp í lagnaleið sem liggur úr kjallara Turnsins upp í glerskálann á Höfðatorgi, sem gegnir hlutverki veitingasalar Intro. Glerskálinn og innanstokksmunir í honum urðu því fyrir töluverðu tjóni,“ segir í tilkynningunni.

Heimar, sem eiga húsnæðið, hafa sagt að eldsupptökin hafi líklegast orðið í lyftustokki, sem var reyndar lyftulaus.

Frétt af mbl.is

Eldsvoði á Höfðatorgi: „Þetta eru miklar skemmdir“

Lítið tjón í eldhúsinu

Eldhús veitingastaðarins varð aftur á móti ekki fyrir teljandi tjóni.

„Unnið verður að því að koma því af stað sem allra fyrst enda eru fjölmargir viðskiptavinir orðnir vanir því að koma til okkar í hádeginu,” mun Guðríður hafa sagt samkvæmt tilkynningunni.

Glerskálinn í Turninum varð aftur á móti fyrir gríðarlegu tjóni. Skálinn er vinsæll veislusalur og ljóst að einhverjar veislur munu þurfa að finna sér annan vettvang.

Tengdar fréttir

Eldsvoði á Höfðatorgi

Fölsk brunaboð of algeng

• Ekkert sem bendir til íkveikju
• Aðstæður krefjandi vegna mikils reyks
• Kviknaði líklega í lyftustokki
• Engar brunabjöllur hringdu

» Fleiri tengdar fréttir

• Blogga um frétt