Þorvaldur Þórðarson eldjallafræðingur tekur tilkynningu Veðurstofu Íslands um aukið landris við Sundhnúkagíga með fyrirvara. Hann telur ekki að gjósa muni í bráð á svæðinu. 

„Landris í Svartsengi hófst um það bil fjórum dögum eftir að síðasta eldgos hófst, en það hefur verið nokkuð hægt fram til þessa,“ segir Þorvaldur í samtali við mbl.is.

„Ég sé hinsvegar enga aukningu í landrisi út frá þeim gögnum sem ég hef undir höndum og get ekki séð að landrisið sé á sama hraða og það var í aðdraganda fyrri eldgosa. Því tek ég þessu öllu með fyrirvara,“ segir Þorvaldur enn fremur.

Frétt af mbl.is

Nýtt kvikuhlaup eða eldgos líklegt á næstu vikum

„Við vitum ekkert hvernig pípurnar eru þarna niðri“

Hann segist þó ekki vera fullyrða með þessu að túlkun Veðurstofunnar sé röng, en bendir á að aðrir þættir spili einnig inn í varðandi það hvort fari að gjósa á næstunni. Til að mynda komi nýtt gos í Svartsengi aðeins til greina, ef grynnra kvikuhólfið þar undir fyllist að þolmörkum, en Þorvaldur segir ólíklegt að það gerist í bráð. 

„Við vitum ekkert hvernig pípurnar eru þarna niðri. Ef við horfum á stærri myndina þá hefur dregist jafnt og þétt úr flæði úr dýpra kvikuhólfinu í hið grynnra. Samdráttur á kvikustreymi í grynnra kvikuhólfið er hraðari en aukning á landrisinu í Svartsengi. Miðað við það er alveg eins líklegt að það hætti að gjósa þarna,“ segir Þorvaldur og bætir við:

„Það þýðir að öll eldsumbrot á Sundhnúkareyninni hætta Þetta ein hugsanleg túlkun útfrá þeim gögnum sem hef, en túlkin endurspeglar bara gæði gagnanna.“

Tengdar fréttir

Eldvirkni á Reykjanesskaga

Veðurstofan bíður nú átekta

• Nýtt kvikuhlaup eða eldgos líklegt á næstu vikum
• Fjárfesting verði 75 milljarðar þegar yfir lýkur
• Landris á sama hraða og fyrir síðasta gos
• Heildarkostnaður varnargarða um 7 milljarðar

» Fleiri tengdar fréttir

• Blogga um frétt