Enn verið að semja um Ölfusárbrú

Samningaviðræður um byggingu Ölfusárbrúar standa enn yfir milli Vegagerðarinnar og ÞG Verks. Upphæð tilboðsins hefur ekki verið gefin upp, en áætlaður kostnaður við brúna er allt að 8 milljarðar króna.

Fimm fyrirtæki óskuðu eftir að taka þátt í samkeppnisútboði um verkið, eftir að það var auglýst á Evrópska efnahagssvæðinu. Fjögur erlend fyrirtæki tilkynntu þátttöku, þar af eitt í samstarfi við Ístak, og síðan ÞG Verk.

Forstjóri Vegagerðarinnar lýsti opinberlega yfir ánægju með áhuga erlendra aðila á verkinu en niðurstaðan var sú að enginn þeirra skilaði inn tilboði, aðeins ÞG Verk. Þetta var í mars síðastliðnum.

Nánar má lesa um málið í laugardagsblaði Morgunblaðsins.