Erfiðara að vernda Bláa lónið í nýju gosi
Setja bókamerki
Ef annað eldgos verður í sumar í Sundhnúkagígaröðinni býst Haraldur Sigurðsson eldfjallafræðingur við svipuðu gosi og verið hefur.
Hann segir hraunbunkann á svæðinu við Sundhnúkagíga hafa hækkað og því yrði erfiðara að stjórna rennsli kvikunnar og spá fyrir um stefnuna. Til dæmis gæti orðið erfðara að vernda svæði við Bláa lónið og Grindavík.
/frimg/1/49/80/1498094.jpg)
„En það er verið að vinna mikið í þessum varnargörðum. Ef það [eldgosið] fylgir sömu stefnu með sprunguna þá ætti það að vera í lagi en mér finnst að það sé bara ágætt að halda áfram að vinna í varnargörðum og vera við öllu búinn, sérstaklega við Bláa lónið," bendir Haraldur á.
Eins og skjaldbaka
Spurður nánar út í hraunbunkann segir hann hraunið hafa hlaðið undir sig með hverju eldgosi. „Í hvert sinn sem hraun kemur þarna út þá hækkar sá punktur um 5 til 10 metra, eða alla vega nokkra metra og svo hvað eftir annað. Það er bungan á þessari skjaldböku. Skjöldurinn er orðinn svolítið hár og það hefur áhrif á rennslið og verður erfiðara að spá um stefnuna," greinir hann frá.
Eðlilegt að framkvæmdir kosti meira í dag
Leggja járnstíg í Esjunni í sumar
Eldgos í sumar sennilega það síðasta
Miðflokkur aldrei stærri: „Kominn tími á kosningar“
Fresta dómsuppkvaðningu í máli Trumps
Segir Hjálmar hafa misnotað aðstöðu sína
Umdeilt auglýsingaskilti fer fyrir dóm