Eldur kviknaði í rafskútu í Bökkunum í Breiðholtinu, að sögn varðstjóra hjá slökkviliðinu á höfuðborgarsvæðinu, í samtali við mbl.is.
Hann segist ekki geta upplýst að svo stöddu um umfangið né hvort einhver sé slasaður vegna eldsins.
Aðspurður segir hann einn dælubíl vera á leið á vettvang.
Uppfært klukkan 17.28:
Slökkvilið var kallað til baka, en íbúar náðu sjálfir að slökkva eldinn í rafskútunni.
Eldurinn náði ekki að dreifa sér og ekkert tjón varð, annað en á rafskútunni sjálfri.