Ný stjórn SÍNE kjörin
Setja bókamerki
Ný stjórn hefur verið kjörin hjá Sambandi íslenskra námsmanna erlendis (SÍNE), en Þórdís Dröfn Andrésdóttir var endurkjörin sem forseti sambandsins þann 28. júní síðastliðinn á sumarráðsstefnu þess.
Þórdís hefur áður sinnt fjölbreyttum störfum á sviði máltækni og kennslu, en hún er með BA-gráðu í íslensku frá Háskóla Íslands og MA-gráðu í málvísindum frá Aarhus Universitet.
Þetta kemur fram í tilkynningu frá SÍNE.
Á fyrsta stjórnarfundi eftir ráðstefnuna var Sindri Freyr Ásgeirsson kjörinn varaforseti. Nanna Hermannsdóttir var kjörin menntasjóðsfulltrúi og tekur við því starfi af Jónu Þóreyju Pétursdóttur. Katla Ársælsdóttir lét af störfum sem varaforseti og var kjörin ritstjóri Sæmundar.
Menntasjóður námsmanna og fæðingastyrkur áberandi
Á ráðstefnunni var farið yfir helstu störf SÍNE á síðasta starfsári, þar sem stuðningur Menntasjóðs námsmanna við læknanema erlendis og málefni fæðingastyrks námsmanna voru áberandi, er segir í tilkynningunni.
Nýja stjórn SÍNE skipa:
- Þórdís Dröfn Andrésdóttir, forseti
- Sindri Freyr Ásgeirsson, varaforseti
- Númi Sveinsson Capero, gjaldkeri
- Nanna Hermannsdóttir, menntasjóðafulltrúi
- Anna Þórhildur Gunnarsdóttir, ritari
- Katla Ársælsdóttir, ritstjóri Sæmundar
- Tara Sveinsdóttir Capero, meðstjórnandi
- Sara Þöll Finnbogadóttir, meðstjórnandi
- Arna Dís Heiðarsdóttir, meðstjórnandi
Björguðu manni undan Gróttu
Segir Hjálmar hafa misnotað aðstöðu sína
Lokahnykkur á brotnum hafís í 36 tíma
„Lítur mjög illa út gagnvart þessum hópi fólks“
Fresta dómsuppkvaðningu í máli Trumps
Vegir landsins: Hvar er klæðing og hvar er malbik?
Þrjú lömb urðu dýrbít að bráð og líklega fleiri