Harris líklegri en Biden: Lýsir upplausn
Setja bókamerki
Tengdar fréttir
Joe Biden Bandaríkjaforseti
Þórarinn Hjartarson, þáttastjórnandi hlaðvarpsins Einnar pælingar, bendir á það í Dagmálum að samkvæmt veðbönkum þá séu meiri líkur á því að Kamala Harris, varaforseti Bandaríkjanna, vinni næstu forsetakosningar en Joe Biden Bandaríkjaforseti.
Í kjölfar kappræðna Trumps og Bidens í síðustu viku hafa heyrst háværar raddir innan Demókrataflokksins um að Biden dragi framboð sitt til baka.
„Sem lýsir ákveðinni upplausn,“ segir Þórarinn.
Ef skoðað er vefsíðu RealClearPolitics þá má sjá að þetta er rétt. Þar er búið að taka saman stuðlana frá helstu veðbönkum og samkvæmt þeim eru líkur Bidens á sigri 11,5% en líkurnar á því að Harris vinni forsetakosningarnar eru 16,7%.
Donald Trump, fyrrverandi Bandaríkjaforseti, er aftur á móti með 56% líkur á sigri samkvæmt veðbönkum.
Segir allar líkur á sigri Trumps
„Ég held að það sé ekki hægt að segja neitt annað en að það séu allar líkur á því að [Donald] Trump verði næsti forseti Bandaríkjanna,” segir Þórarinn Hjartarson, þáttastjórnandi hlaðvarpsins Einnar pælingar, í nýjasta þætti Dagmála.
Þann 5. nóvember ganga Bandaríkjamenn til kosninga og velja sér sinn næsta forseta. Valið stendur á milli Joe Bidens Bandaríkjaforseta og Donald Trumps, fyrrverandi Bandaríkjaforseta.
„Trump vinnur nokkuð örugglega,” segir hann spurður hvað hann telji að muni gerast í kosningunum.
Áskrifendur Morgunblaðsins geta nálgast þáttinn í heild sinni með að smella á hlekkinn hér.
Tengdar fréttir
Joe Biden Bandaríkjaforseti
„Ekkert fullorðið fólk myndi sætta sig við þetta“
Úgönguspá: Stórsigur Verkamannaflokksins
Nokkrir lýst áhuga á Skaganum 3X
Hækkar um allt að 9,5 metra
Hringja í gamla „bólfélaga“ og opna Kiki á ný
Göngumaðurinn fundinn
Stórmerkilegar kosningar að baki og Farage á þing