Bandarískur ferðamaður bakkað þrisvar sinnum á sömu bifreið í miðbænum. Hann var hvorki undir áhrifum áfengis né fíkniefna. Málið í rannsókn hjá lögreglu.
Þetta kemur fram í dagbók lögreglunnar á höfuðborgarsvæðinu. Dagbókin nær til verkefna lögreglu frá klukkan 17 í gær til 05 í morgun.
Þá sinnti lögregla tilkynningu vegna innbrots í matarvagn. Í dagbókinni segir að þaðan hafi talsverðum fjármunum verið stolið, ásamt spjaldtölvu og drykkjum. Málið er til rannsóknar hjá lögreglu. Lögreglustöð eitt sinnti málinu, en hún sinnir verkefnum í stórum hluta borgarinnar og á Seltjarnarnesi.
Lögreglustöð eitt stöðvaði sömuleiðis ökumann í umferðinni og var hann handtekinn þar sem hann var grunaður um akstur undir áhrifum fíkniefna. Í dagbókinni segir að eftir viðræður við ökumanninn hafi vaknaði grunur um sölu fíkniefna. Við leit, sem hann samþykkti, fundust meint fíkniefni og eftirlíkingar af skotvopnum. Var ökumaðurinn vistaður í fangaklefa í þágu rannsóknar málsins.
Þá var tilkynnt um tvo menn að sparka niður steypustólpa og vinna þannig skemmdarverk. Mennirnir voru farnir þegar lögregla kom á vettvang. Málið er í rannsókn.
Einnig tilkynnti veiðivörður um tvo einstaklinga að veiðum í Elliðaá án leyfis. Þeir neituðu sök við lögreglu þrátt fyrir að vera með veiðistangir meðferðis. Veiðivörðurinn sagðist vera með mynd af þeim að veiðum. Málið í rannsókn.