Haraldur Eiríksson, veðurfræðingur hjá Veðurstofu Íslands, ráðleggur fólki að forðast ferðalög við Faxaflóa, Breiðafjörð og á Vest­f­jörðum. 

Veðurstofan hefur gefið út gula veðurviðvörun vegna mikillar rigningar á þessum svæðum og varar við auknu afrennsli og vatnavöxtum í ám og lækjum, sem eykur hættuna á flóðum og skriðuföllum.

Úrkoman samfelld fram yfir helgi

Mesta úrkoman verður á sunnanverðum Vestfjörðum, Barðaströnd og Snæfellsnesi, og gera má ráð fyrir því að úrkoman verði samfelld fram yfir helgi, bæði á Suðurlandi og Vesturlandi. 

Ákefðin verður í kringum 5-10 mm/klst, og til fjalla nær hún mest 15 mm/klst.

Veðurstofan spáir því að uppsöfnuð úrkoma nái tæplega 140 mm á 24 klst á sunnanverðum Vestfjörðum og Barðaströnd, og 155 mm á Snæfellsnesi.

Frétt af mbl.is

Gul viðvörun á morgun og hinn

Ekki veður fyrir tjaldútilegu

„Það er ekkert voða gott að vera ferðast mikið á þessu svæði,“ segir Haraldur. 

„Það er í raun bara að fara varlega, þetta er til dæmis ekkert veður til þess að fara í tjaldútilegur eða eitthvað svoleiðis. Þetta er vatnsveður,“ segir Haraldur, en bætir við að líklegast verði þurrt á Austurlandi. 

Uppsöfnuð úrkoma fram á sunnudag 1. september. Kort/Veðurstofa Íslands

Tengdar fréttir

Veður

Gul viðvörun á morgun og hinn

• Mikið vatnsveður í kortunum
• Hitinn náði aldrei 18 gráðum í Reykjavík
• Búast við því að óvissustigi verði aflétt á morgun
• Hefur dregið úr vindi og úrkomu

» Fleiri tengdar fréttir

• Blogga um frétt