Hátt í átta milljónir komu úr vasa Ástþórs
Setja bókamerki
Kosningabarátta Ástþórs Magnússonar vegna forsetakosninganna í sumar kostaði tæpar níu milljónir króna.
Þar af eyddi hann um 8,5 milljónum í auglýsingar og annan kynningarkostnað.
Ástþór lagði fram úr eigin vasa um 7,8 milljónir króna til að standa straum af framboðinu.
Hann fékk engin framlög frá fyrirtækjum en framlög frá einstaklingum námu 370 þúsund krónum, að því er kemur fram í uppgjöri sem hann sendi Ríkisendurskoðun.
Dýrari barátta hjá Jóni
Kosningabarátta Jóns Gnarr vegna forsetakosninganna í sumar var aðeins dýrari en hjá Ástþóri og kostaði um 10,5 milljónir króna. Mestur kostnaður fór í aðkeypta þjónustu, eða um fjórar milljónir króna.
Til að standa straum af framboðinu hlaut Jón um 8,5 milljónir króna í styrki frá einstaklingum og um 1,7 milljónir frá fyrirtækjum.
Viktor Traustason segir í yfirlýsingu til Ríkisendurskoðunar að hvorki heildartekjur né heildarkostnaður vegna framboðs hans hafi verið hærri en 550 þúsund krónur. Framboðið sé því undanþegið uppgjörsskyldu.
Eiríkur Ingi Jóhannsson hefur sömu sögu að segja og Viktor í sinni yfirlýsingu.
„Fyrst til skoðunar þegar bærinn verður orðinn öruggur“
Framboð Katrínar kostaði 57 milljónir
Alvarlegt sjóatvik á Viðeyjarsundi
Pútín segist styðja Harris í kosningunum
Segja skólaeinkunnir barnanna ónothæfar
Andlát hjóna í Neskaupstað: Áfram í gæsluvarðhaldi
Vísbendingar um að landris sé hafið á ný
Borgin lofar að byggja „þorp“ á bílastæði KSÍ