Ljósanótt verður haldin með gleði í hjarta og verður ekki frestað þrátt fyrir auknar ógnir í samfélaginu.

Þetta segir Guðný Birna Guðmundsdóttir, forseti bæjarstjórnar Reykjanesbæjar, í samtali við mbl.is.

„Reykjanesbær ætlar ekki að draga úr eða hætta við hátíðina, við ætlum ekki að hætta að lifa góðu lífi þrátt fyrir breyttar ógnir í samfélaginu. Ofbeldi verður ekki liðið á okkar bæjarhátíð þar sem gleðin og ljósin eiga að ríkja,“ segir Guðný.

Frétt af mbl.is

Biðla til foreldra í aðdraganda Ljósanætur

Aukinn viðbúnaður og þétt gæsla

Hátíðin var formlega sett í gær og má segja að ballið byrji í kvöld með glæsilegri dagskrá. Ofbeldi að undanförnu, þá sérstaklega meðal ungmenna, hefur þó valdið áhyggjum meðal margra og var til að mynda tónlistarhátíð frestað í Árbænum.

Ljós­anótt er iðulega ein fjöl­sótt­asta úti­hátíð lands­ins. Auk­inn viðbúnaður verður hjá lög­regl­unni, barna­vernd og Flot­an­um – flakk­andi fé­lags­miðstöð.

Guðný segir að þétt gæsla verði á svæðinu og hvetur hún íbúa og gesti til að koma og njóta ljósanna.

Frétt af mbl.is

Fresta tónlistarhátíð vegna viðkvæmrar stöðu samfélagsins

Þéttpökkuð dagskrá

Það er þéttpökkuð dagskrá fram undan um helgina í Reykjanesbæ og eitthvað um að vera alls staðar. Hafnargatan verður iðandi af lífi alla daga og tvö fyrirtæki munu halda úti tívolí ásamt því að opið verður í verslanir og á söfn.

Sem dæmi má nefna að í kvöld verða tónleikar á kjötsúpusviðinu þar sem m.a. Jón Jónsson, Magnús Kjartansson og Nostalgía munu spila.

Síðustu aldamótatónleikarnir verða haldnir í Hljómahöll og skemmtistaðir í bænum verða þá einnig með þjóðþekkta listamenn að spila. Sigga Beinteins og Grétar Örvarsson taka helstu slagara Stjórnarinnar á Brons, Club Dub og Daði Ómars verða á Paddy's og Ingó veðurguð verður á Ránni.

Á morgun verður svo hápunkturinn á hátíðinni en hægt er að nálgast ítarlega dagskrá hér.

Tengdar fréttir

Ofbeldishegðun ungmenna

Boða til bænastundar gegn ofbeldi og ótta

• „Af hverju má ég ekki vera með hníf?“
• Ógnuðu börnum: Nokkur mál til rannsóknar
• „Unnið í samstarfi við barnaverndaryfirvöld“
• Viðbragð við alvarlegri stöðu

» Fleiri tengdar fréttir

• Blogga um frétt