Stefnt verður að því að klára söluna á eftirstandandi hlut ríkisins í Íslandsbanka fyrir lok kjörtímabilsins. Bankinn verður seldur í tveimur lotum, önnur lotan fyrir áramót og hin lotan eftir áramót.

Þetta segir Sigurður Ingi Jóhannsson, fjármála- og efnahagsráðherra, í samtali við mbl.is í kjölfar kynningar á fjárlögum 2025.

Til stóð að selja hluta ríkisins í einni eða tveimur lotum. Bjarni Benediktsson hafði sagt í samtali við mbl.is í ágúst að salan færi eftir markaðsaðstæðum en að raunhæft væri að losa um eignarhlutinn í vetur.

Frétt af mbl.is

Klára mögulega söluna á Íslandsbanka í vetur

Hyggst klára söluna fyrir lok kjörtímabils

Af hverju er verið að selja í tveimur lotum, eru markaðsaðstæður ekki nógu góðar?

„Það var ákveðið í frumvarpinu sem var samþykkt á þinginu og við erum að fylgja því. Punktur prik,“ segir Sigurður.

Er einhver ástæða fyrir því að þetta er selt í tveimur áföngum?

„Það þótti skynsamlegra,“ segir hann.

Aðspurður segir hann að planið sé að selja Íslandsbanka fyrir lok kjörtímabilsins.

Tengdar fréttir

Sala á hlut ríkisins í Íslandsbanka

Vill selja fyrri skammtinn fyrir áramót

• Barclays, Citi og Kvika sjá um útboð á hlutum í Íslandsbanka
• Klára mögulega söluna á Íslandsbanka í vetur
• Meta bankasöluna jákvæðasta fyrir efnahagslífið
• Vilja ekki að Íslandsbanki verði seldur

» Fleiri tengdar fréttir

• Blogga um frétt