Alhvít jörð við Dettifoss og í Hólmatungum

„Vetur konungur hefur heilsað hressilega upp á okkur undanfarna daga með tilheyrandi kulda og vætu,“ segir í facebookfærslu frá forsvarsmönnum Jökulsárgljúfra í Vatnajökulsþjóðgarði.

Segir þar að nú sé alhvít jörð við Dettifoss og í Hólmatungum og vetrarfærð á vegi 862 á milli Vesturdals og Dettifoss.

Þá er gönguleiðin niður í Fosshvamm lokuð vegna hálku og gróður- og stígaverndar.

• Blogga um frétt