Beiðni kom innan úr ríkisstjórninni um að frekara samtal yrði um brottflutning Yazans Tamimi áður en hann yrði fluttur úr landi. Guðrún Hafsteinsdóttir dómsmálaráðherra varð við þeirri beiðni.

Það er ástæðan fyrir því að palestínski drengurinn, sem er ellefu ára og með vöðvahrörnunarsjúkdóm, var ekki fluttur úr landi í morgun. 

Þetta herma heimildir mbl.is. 

Hætt við brottför í morgun

Íslensk yf­ir­völd sóttu Yazan seint í gærkvöldi í Rjóðrið, hjúkr­un­ar- og end­ur­hæf­ing­ar­deild Land­spít­ala fyr­ir lang­veik fötluð börn, þar sem hann lá sof­andi.

Var hann fluttur upp á Keflavíkurflugvöll þar sem fljúga átti með hann á brott í morgun.

Áður en að því kom ákvað ráðherrann að bíða skyldi með brottvísunina, eftir að beiðni um slíkt kom innan úr ríkisstjórninni.

Yazan mun nú vera kominn á Barnaspítala Hringsins, eftir næturlanga dvöl í Leifsstöð.

Frétt af mbl.is

Yazan á leið upp á spítala aftur

Frétt af mbl.is

Yazan vakinn á spítala og á leið úr landi

Tengdar fréttir

Brottvísun Yazans Tamimi

Skýra þurfi betur heimildir stjórnvalda

• Guðrún: Ákvörðun um brottvísun Yazans stendur
• Guðmundur bað um að brottvísun Yazans yrði stöðvuð
• Vakinn, klæddur og fluttur upp á flugvöll
• Yazan á leið upp á spítala aftur

» Fleiri tengdar fréttir

• Blogga um frétt