Myndskeið: Hávær mótmæli á meðan ríkisstjórnin fundar
Setja bókamerki
Mótmæli vegna fyrirhugaðrar brottvísunar Yazans Tamimi, tólf ára drengs með sjaldgæfan vöðvarýrnunarsjúkdóm, eru hafin fyrir utan fund ríkisstjórnarinnar á Hverfisgötu.
Á þriðja hundrað segjast mæta á mótmælin á Facebook-viðburðinum.
„Yazan á heima hér,“ heyrist hrópað hástöfum. „Niður með nasista,“ stendur á einu skilti sem mótmælandi heldur uppi.
Málefni Yazans verða rædd á fundi ríkisstjórnarinnar í dag.
Brottvísuninni frestað
Vísa átti Yazan og fjölskyldu hans úr landi í gærmorgun en Guðrún Hafsteinsdóttir dómsmálaráðherra fyrirskipaði að brottvísuninni yrði frestað eftir að Guðmundur Ingi Guðbrandsson, félags- og vinnumarkaðsráðherra, bað um að það yrði gert.
Guðmundur Ingi vildi ekki ræða við blaðamann mbl.is á leið inn á fundinn.
Svandís veifaði til mótmælenda
Þegar Svandís Svavarsdóttir innviðaráðherra steig út úr bílnum hrópaði mótmælandi til hennar: „Yazan á heima hér.“
Svandís bauð góðan dag og veifaði mótmælendunum.
Heilsuspillandi efni langt yfir mörkum
Ekki um eðlilega stjórnsýslu að ræða
Sex ára með hníf: Móðir gagnrýnir skóla harðlega
Leyniþjónustan skaut á byssumanninn
Myndskeið: Hávær mótmæli óma um Leifsstöð