Múlaþing hefur auglýst starf sveitarstjóra laust til umsóknar. Er gert ráð fyrir að nýr sveitarstjóri geti hafið störf um næstu áramót.
Björn Ingimarsson hefur starfað sem sveitarstjóri Múlaþings frá því í október 2020. Áður var hann bæjarstjóri Fljótsdalshéraðs.
Á vef Múlaþings segir að leitað sé að einstaklingi sem sé tilbúinn að stýra starfsemi sveitarfélagsins og áframhaldandi uppbyggingu og þróun þess í samstarfi við sveitarstjórn.
Umsóknarfrestur er til og með 8. október.