Það verður norðlæg átt á landinu í dag, 3-10 m/s en 8-13 austast. Það verða stöku él norðaustantil og dálítil rigning á Suðausturlandi en það léttir heldur til vestanlands.
Hitinn verður 2 til 9 stig yfir daginn en í kringum frostmark um landið norðaustanvert.
Í hugleiðingum veðurfræðings á Veðurstofu Íslands segir að yfir landinu sé dálítið lægðardrag sem þokist suður.
Á morgun verður austan 8-13 m/s við suðvesturströndina, annars hægari vindur. Víða rigning eða slydda, en úrkomulítið austanlands. Hiti 0 til 7 stig yfir daginn, mildast suðvestantil.