Þjófurinn þóttist vera Fríða Ísberg

Handritaþjófurinn Filippo Bernardini er aftur farinn að hrella íslenska rithöfunda líkt og hann gerði fyrir nokkrum árum. Sé þetta ekki sá hinn sami eru vinnubrögðin í það minnsta þau sömu og hann reynir að ná handritum í gegnum tölvupóstsamskipti þar sem hann villir á sér heimildir.

Frétt af mbl.is

Varar við sjálfum sér og talar góða íslensku

„Mér skilst að nú einbeiti hann sér að Evrópu en láti Bandaríkin eiga sig. Ég er alveg gáttuð á þessu og það hlýtur að fara svakalegur tími í þetta hjá honum. Ég hef áhyggjur af því að hann stefni í kulnun vegna starfsálags,“ segir Sunna Dís Másdóttir rithöfundur í léttum dúr en hún er að senda frá sér skáldsögu og Bernardini komst á snoðir um það.

„Hann skrifaði mér og þóttist vera Fríða Ísberg [rithöfundur]. Í tölvupóstinum segist „Fríða“ vera spennt að lesa bókina og biður mig um að senda sér handritið á pdf-skjali. En ég var löngu búin að senda Fríðu bókina þar sem hún las yfir fyrir mig áður en bókin fór til Forlagsins," segir Sunna Dís. 

Lesa má meira um málið í Morgunblaðinu í dag.