Ráðherrann fær mest endurgreitt

Önnur þáttaröð af sjónvarpsþáttunum Ráðherrann, sem frumsýnd var á RÚV um síðustu helgi, fær hæstu endurgreiðslu vegna framleiðslukostnaðar í nýbirtu yfirliti á vef Kvikmyndamiðstöðvar Íslands. Alls nemur endurgreiðsla kostnaðar vegna þáttanna ríflega 262 milljónum króna. Næsthæstu endurgreiðsluna fær önnur þáttaröð Svörtu sanda sem nú er sýnd á Stöð 2, 171 milljón króna.

Frétt af mbl.is

„Það er alltaf jafn taugtrekkjandi“

Nýuppfært yfirlit um endurgreiðslur er það fyrsta sem er birt síðan í mars þegar endurgreiðsla vegna framleiðslu True ­Detect­ive í fyrra var greidd út. Nam sú endurgreiðsla ein rúmum fjórum milljörðum króna. Nú hafa verið samþykktar greiðslur upp á um það bil 3,4 milljarða til viðbótar vegna 26 verkefna. Þau eru öll íslensk utan eins.

Frétt af mbl.is

True Detective fékk fjóra milljarða

Ekki er þó víst að framleiðslufyrirtækin sjái krónu á næstunni því tilkynnt var í ágúst að endurgreiðslusjóðurinn hefði þegar verið tæmdur. 

Lesa má meira um málið í Morgunblaðinu í dag.