Atkvæðagreiðsla um verkfall hafin í öðrum skóla
Setja bókamerki
Atkvæðagreiðsla um verkfallsboðun er hafin í tíunda skólanum. Um er að ræða framhaldsskóla en þegar hafa kennarar í níu öðrum skólum, þar af einum framhaldsskóla, samþykkt að leggja niður störf 29. október.
Þá er ekki ólíklegt að fleiri kennarar verði beðnir um að taka afstöðu um verkfall innan tíðar.
Þetta kemur fram í grein Jónínu Hauksdóttur, varaformanns Kennarasambands Íslands, á vef sambandsins.
Verkfallsaðgerðir verða almennt tímabundnar en ótímabundnar í leikskólum.
Áður hafði verið greint frá því að kennarar í öðrum skóla væru hugsanlega að undirbúa verkfallsaðgerðir.
Mikil samstaða um verkfallsaðgerðir
Ekki er tilgreint í hvaða framhaldsskóla kennararnir eru sem greiða nú atkvæði um verkfallsaðgerðir.
Hefur KÍ fram að þessu aðeins greint frá nafni skólanna þegar verkfallsaðgerðir hafa verið samþykktar.
Ekki kemur fram í greininni hvenær búast má við niðurstöðum úr atkvæðagreiðslunni. Mikil samstaða hefur verið um verkfallsaðgerðirnar meðal kennara.
„Er vel undirbúinn og klár í slaginn“
Verstu dagarnir eins og í faraldrinum
Alma Möller í framboð fyrir Samfylkinguna
Hundruð munu velja á milli Jóns og Þórdísar
Vandasamt val á framboðslista hafið
Réðst á hótelstarfsfólk í Reykjavík
Auðlindagjald á ferðaþjónustu, orkuvinnslu og eldi
Senda reglulega ábendingar vegna lyfjaávísana