Örn V. Kjartansson, framkvæmdastjóri og einn eigenda fyrirtækisins sem byggir á Heklureit, segir búið að selja um 30 af 82 íbúðum í fyrsta áfanga.

Sagt var frá því í Morgunblaðinu í júlí að búið væri að selja 25 íbúðir á reitnum. Forsala íbúðanna hefði hafist um mánaðamótin febrúar og mars með því að níu þakíbúðir voru boðnar til sölu.

Hafa því selst fimm íbúðir síðan í júlí og upplýsir Örn að þakíbúð sem kostaði 240 milljónir króna sé þar meðtalin.

Ákváðu að hefja sölu fyrr

„Verkefnið hefur gengið mjög vel. Við erum mjög sátt við að vera búin að selja um 30 íbúðir þegar ár er í afhendingu,“ segir Örn. „Við opnuðum söluvefinn fyrir helgi og erum að setja upp auglýsingaskilti í kringum reitinn.

Við gerðum í okkar fyrstu áætlunum ráð fyrir að hefja sölu sex mánuðum fyrir afhendingu en ákváðum að fara fyrr af stað af því að það er hreinlega áhugi fyrir því að fá að skoða svona uppbyggingarreiti fyrr í ferlinu en áður var. Eins er ágætt fyrir fólk að geta borið saman gæði íbúða á mismunandi reitum,“ segir Örn.

Hægt er að nálgast umfjöllunina í heild sinni í Morgunblaðinu í dag.

Tengdar fréttir

Húsnæðismarkaðurinn

Ódýrar íbúðir seljast hratt en dýrar hægt

• Samningur um 800 íbúðir á Ásbrú undirritaður
• Tugmilljarða uppbygging á Ásbrú
• Fyrstu kaupendur fengu lykla afhenta
• Strax komin 300 milljónir fram yfir

» Fleiri tengdar fréttir