Hannes Sigurbjörn Jónsson, framkvæmdastjóri Körfuknattleikssambands Íslands (KKÍ), sækist eftir tveimur efstu sætum lista Samfylkingarinnar í Norðvesturkjördæmi. 

Hannes bauð sig fram fyrir Sjálfstæðisflokkinn árið 2014. 

„Ég veit að sumum kemur á óvart að ég sem einu sinni studdi Sjálfstæðisflokkinn og tók þátt í starfi hans styðji nú Samfylkinguna og bjóði fram krafta mína núna fyrir þann flokk. Það má kannski segja að ég hafi verið landlaus krati í flokki sem ég var á báðum áttum með hvort ég ætti heima í eða ekki. Núna er nokkuð síðan að ég sagði skilið við Sjálfstæðisflokkinn. Og staðreyndin er einfaldlega sú að Sjálfstæðisflokkurinn hefur þrengst á meðan Samfylkingin hefur breikkað og opnað faðminn,“ segir í tilkynningu frá Hannesi. 

Hann segir sín helstu áherslumál vera að vera fulltrúi fólksins, íþróttir og æskulýðsmál, málefni unga fólksins, heilbrigðismál – ekki síst jafnt aðgengi óháð búsetu, samgöngumál „og að vera traustur fulltrúi Norðvesturkjördæmis, eiga virkt samtal við fólkið í kjördæminu og finna leið til að geta verið í sem mestum“.

Tengdar fréttir

Alþingiskosningar 2024

Stór hópur að „drepast“ úr spenningi

• Vill leiða lista Samfylkingarinnar í Suðvesturkjördæmi
• Hættur við að sækjast eftir oddvitasætinu
• Magnea sækist eftir 3. sæti í Reykjavík
• Oddvitaslagur í uppsiglingu í Norðausturkjördæmi

» Fleiri tengdar fréttir

• Blogga um frétt