Þorleifur Þorleifsson stóð uppi sem sigurvegari í Elliðaárdalnum þar sem Heimsmeistaramót landsliða í bakgarðshlaupum var haldið.
Hann hljóp 62 hringi, eða 415,4 km, og endurheimti þar með Íslandsmetið. Hann lauk hlaupinu á öðrum tímanum í nótt.
Fimmtán keppendur tóku þátt á Íslandi. Þær Marlena Radziszewska og Elísa Kristinsdóttir voru næstsíðastar til að ljúka keppni.
Keppnin hófst á hádegi á laugardaginn. Höfðu keppendur klukkustund til að hlaupa 6,7 km. Þeir sem ekki komust vegalengdina innan þess tímaramma voru dæmdir úr leik.