Karlmaður um fertugt var í dag úrskurðaður í gæsluvarðhald til 1. nóvember á grundvelli rannsóknarhagsmuna í þágu rannsóknar á andláti konu á sjötugsaldri í gærkvöld. Er maðurinn sonur hinnar látnu.

Í tilkynningu frá lögreglunni á höfuðborgarsvæðinu, sem gerði kröfuna fyrir Héraðsdómi Reykjavíkur, segir að tilkynning hafi borist lögreglu um miðnætti. 

Héldu viðbragðsaðilar þegar á vettvang, sem var í íbúð fjölbýlishúss í Breiðholti. Strax voru hafnar endurlífgunartilraunir, en þær báru ekki árangur og var konan úrskurðuð látin.

Lögregla getur ekki veitt frekari upplýsingar um málið að svo stöddu.

Frétt af mbl.is

Rannsaka andlát konu á sjötugsaldri

Tengdar fréttir

Andlát konu í Breiðholti

Rannsaka andlát konu á sjötugsaldri

• Meiriháttar líkamsárás í Breiðholti

• Blogga um frétt