Jakob Bjarnar Grétarsson, blaðamaður á Vísi, biður Bjarna Benediktsson og lesendur miðilsins afsökunar á frétt sem hann skrifaði þar sem því var ranglega haldið fram að Bjarni hefði varað „við of mik­illi blönd­un kynþátta“ í hlaðvarpsþætti.

„Ég bið Bjarna og aðra velvirðingar á þessum leiðindamistökum,“ segir Jakob í samtali við mbl.is.

Bjarni mætti í hlaðvarpið Ein Pæl­ing þar sem út­lend­inga­mál­in báru á góma. Í kjöl­farið birt­ist frétt á Vísi und­ir fyr­ir­sögn­inni: „Var­ar við of mik­illi blönd­un kynþátta“.

Bjarni varaði aldrei við blöndun kynþátta og hef­ur Vís­ir nú leiðrétt frétt­ina. Bjarni lýsti áhyggjum af árekstrum ólíkra menningarheima.

Frétt af mbl.is

Bjarni segir nýjum botni náð

„Alfarið við mig að sakast“

„Ég er greinilega bara búinn að vera að skrifa allt of mikið í dag því þessum tveimur hugtökum sló saman í kollinum á mér þegar ég var að byggja brú yfir í næstu setningu. Þetta er uppsuða úr hlaðvarpsþætti. Bjarni sagði þetta aldrei, þetta er alfarið við mig að sakast,“ segir Jakob.

Hann tekur fram að á engum tímapunkti hafi fréttin verið hugsuð til þess að finna höggstað á Bjarna. Jakob hafnar því alfarið að vera með horn í síðu Bjarna.

Hann áætlar að fréttin hafi verið leiðrétt um 5-10 mínútum eftir að hún fór í loftið. Hann ítrekar afsökunarbeiðni sína.

Hér má sjá skjáskot af því hvernig fréttin leit út áður en hún var leiðrétt. Skjáskot

Kveðst ekki vera með horn í síðu Bjarna

Hann tekur fram að á engum tímapunkti hafi fréttin verið hugsuð til þess að finna höggstað á Bjarna.

„Þegar Bjarni og fleiri eru að væna mig um að hafa horn í hans síðu, þá er það algjörlega úr lausu lofti gripið. Ég hef bara ekkert á móti Bjarna. Ekki nokkurn skapaðan hlut. Mér finnst hann meira að segja frekar vanmetinn stjórnmálamaður ef eitthvað er,“ segir Jakob.

Nýjum botni náð

Bjarni tjáði sig um fréttina á Facebook þar sem hann sagði nýjum botni náð.

„Ég hef mátt reyna ýmislegt þegar kemur að fjölmiðlaumfjöllun í gegnum tíðina, en hér var nýjum botni náð. Vísir hefur nú beðist afsökunar,“ skrifaði Bjarni. 

Tengdar fréttir

Alþingiskosningar 2024

Gáttuð á hegðun Kristrúnar gagnvart Degi

• Kveðjum rignir yfir Birgi
• Skilaboðin í heild sinni: Dagur „aukaleikari“
• „Þá liggur beinast við að strika hann út“
• Forseti Alþingis kveður þingið

» Fleiri tengdar fréttir

• Blogga um frétt