„Það ber enn þá mikið á milli“
Setja bókamerki
Steinunn Þórðardóttir, formaður Læknafélags Íslands, segir stöðuna vera óbreytta eftir fund samninganefndar ríkisins með félaginu fyrr í dag. Ekki hefur verið boðað til næsta fundar og þykir líklegt að félagið fari í atkvæðagreiðslu um verkfallsaðgerðir beint eftir helgi.
Fundurinn hófst klukkan 15 og lauk nú fyrir skömmu en þar voru grunnlaun nýútskrifaðra lækna til umræðu.
„Ég var ekki á fundinum en er búin að tala við mitt fólk og það er í rauninni bara lítið nýtt að frétta eftir fundinn í dag,“ segir formaðurinn í samtali við mbl.is.
Segir hún að samningsaðilar hafi hvorki færst nær né fjær á fundinum og staðan því óbreytt.
„Það ber enn þá mikið á milli.“
Von á atkvæðakosningu eftir helgi
Er næsta skref þá atkvæðakosning?
„Já, ég myndi halda að það sé það næsta sem að gerist á þessum vettvangi,“ segir Steinunn.
„Við höldum auðvitað bara okkar striki og förum í atkvæðagreiðsluna þannig að það er það sem ég held að muni gerast næst,“ bætir hún enn fremur við.
Þá vonast hún til að samtöl á milli samningsaðila geti haldið áfram sem allra fyrst.
Í samtali við mbl.is fyrr í dag sagði Steinunn að stefnt væri að atkvæðagreiðslu öðru hvoru megin við helgina en telur hún nú líklegt að það verði frekar strax eftir helgi. Mikil vinna sé nú í gangi hjá Læknafélaginu.
„Við þurfum að fá lista yfir félagsmenn sem að vinna eftir kjarasamningnum og svo framvegis. Við erum að vinna í þessu öllu.“
Á fjórða tug barna með E.coli
Verður sérstakur fulltrúi Bjarna í ráðuneytinu
Sanna: Skoða þurfi barnagíslatöku í samhengi
Borgin bakkaði með fyrningu eftir mál borgarstjóra
Langalangamman kveikti áhugann
Sögulegur sigur Víkings
Ný könnun: Sjálfstæðisflokkur dalar og VG botnfrosið
„Framandi lífvera í íslensku lífríki“
