Búið er boða til kosninga um verkfall innan Læknafélags Íslands. Oddur Steinarsson, varaformaður Læknafélags Íslands, staðfestir þetta í samtali við mbl.is. Hann segir um þriðjung meðlima þegar hafa greitt atkvæði í kosningunum sem standa fram til fimmtudags.

Spurður út í kröfur félagsmanna segir Oddur að félagið hafi tvær megináherslur, annars vegar vaktamál og hins vegar styttingu vinnuvikunnar. Þá segir hann kjör á bakvöktum sérstaklega til umræðu.

Verði af verkfallinu yrði fyrsta lota verkfallsins í nóvember.

„Þetta verður dagar og dagar á ákveðnum stofnunum og einingum. Þessu verður raðað niður og með svipuðu sniði og var 2014/15,“ segir Oddur og vísar þar í verkfallsaðgerðir lækna þann vetur.

Frétt af mbl.is

Verkfall lækna hafið

Tengdar fréttir

Kjaraviðræður

Kennarar fara í verkfall á miðnætti

• Hafa daginn til að afstýra verkföllum
• „Það ber enn þá mikið á milli“
• Stefna að atkvæðagreiðslu um verkfall
• Verkföll vofa yfir: „Þvílíkur ómöguleiki“

» Fleiri tengdar fréttir

• Blogga um frétt