Landskjörstjórn hefur í dag og undanfarna daga tekið á móti framboðslistum vegna kosninga til Alþingis sem fram fara hinn 30. nóvember 2024. Alls skiluðu 11 stjórnmálasamtök inn framboðsgögnum. Þetta kemur fram í tilkynningu frá Landskjörstjórn.

Þau eru eftirfarandi:

B – listi Framsóknarflokks skilaði gögnum fyrir öll sex kjördæmin.

C – listi Viðreisnar skilaði gögnum fyrir öll sex kjördæmin.

D – listi Sjálfstæðisflokks skilaði gögnum fyrir öll sex kjördæmin.

F – listi Flokks fólksins skilaði gögnum fyrir öll sex kjördæmin.

J – listi Sósíalistaflokks Íslands skilaði gögnum fyrir öll sex kjördæmin.

L – listi Lýðræðisflokks – samtaka um sjálfsákvörðunarrétt skilaði gögnum fyrir öll sex kjördæmin.

M – listi Miðflokks skilaði gögnum fyrir öll sex kjördæmin.

P – listi Pírata skilaði gögnum fyrir öll sex kjördæmin.

S – listi Samfylkingar – jafnaðarmannaflokks Íslands skilaði gögnum fyrir öll sex kjördæmin.

V – listi Vinstrihreyfingarinnar – græns framboðs skilaði gögnum fyrir öll sex kjördæmin.

Y– listi Ábyrgrar framtíðar skilaði gögnum fyrir Reykjavíkurkjördæmi norður.

Þá segir Landskjörstjórn, að yfirferð framboðanna sé hafin og standi í dag og næstu daga.

„Landskjörstjórn úrskurðar um gildi framboða á fundi sem halda skal í síðasta lagi þremur sólarhringum og fjórum klukkustundum eftir lok framboðsfrests. Fundurinn verður auglýstur þegar tímasetning liggur fyrir,“ segir í tilkynningunni. 

Tengdar fréttir

Alþingiskosningar 2024

Það verði ekki hræðilegra

• „Ég óttaðist alveg í fyrstu“
• Ragnar Þór leiðir Flokk fólksins
• Inga Sæland leiðir Flokk fólksins í Reykjavík suður
• Ásthildur Lóa leiðir í Suðurkjördæmi

» Fleiri tengdar fréttir

• Blogga um frétt