Leikskólinn Mánagarður, þar sem E.coli-smit kom upp í lok október, opnar dyr sínar á ný á þriðjudaginn.

Samningur hefur verið gerður um aðsendan mat frá Skólamat og ákvörðun tekin um að fella niður öll gjöld fyrir nóvembermánuð.

Þetta kemur fram í tölvupósti frá Soffíu Emelíu Bragadóttur, leikskólastjóra Mánagarðs, til foreldra.

Smitin voru rakin til blandaðs nautgripa- og kindahakks frá Kjarnafæði. Börnin fengu hakk og spagettí í matinn þann 17. október og veiktust í kjölfarið.

Frétt af mbl.is

Matráður Mánagarðs látið af störfum

Frétt af mbl.is

E. coli-smitið rakið til blandaðs hakks

Hlýjar kveðjur til veikra barna

Sérstakur stýrihópur sóttvarnalæknis fundaði um stöðu mála og var niðurstaðan sú að frekari smithætta væri ekki talin til staðar lengur. Ráðist hafi verið í sótthreinsun, endurskoðun verkferla og aðrar breytingar sem geri það að verkum að hægt sé að opna á ný.

„Síðustu dagar hafa verið erfiðir og því er ánægjuefni að við getum opnað á ný. Sem fyrr er hugur okkar hjá þeim sem enn glíma við veikindi og við sendum okkar hlýjustu kveðjur um skjótan bata,“ segir í póstinum.

Er biðlað til foreldra barnanna um að sækja föt barna sinna og þrífa vel áður en komið er með þau aftur.

Tengdar fréttir

E.coli-hópsýking á Mánagarði

„Pottur brotinn í meðhöndlun hakksins“

• E. coli-smitið rakið til blandaðs hakks
• Matráður Mánagarðs látið af störfum
• Fimm börn á gjörgæslu
• Skýringa á sýkingu að vænta í vikunni

» Fleiri tengdar fréttir

• Blogga um frétt