Tíu börn liggja enn á Barnaspítala Hringsins vegna E. coli-sýkingar sem kom upp á leikskólanum Mánagarði fyrir rúmum tveimur vikum. Þar af er eitt barn á gjörgæslu og í öndunarvél og verður eitthvað áfram.

Þetta staðfestir Valtýr Stefánsson Thors, yfirlæknir barnalækninga á Landspítalanum, í samtali við mbl.is. Flest barnanna eru á á batavegi, en þó ekki öll.

Þá eru 15 til 20 börn í eftirliti á bráðamóttöku barna á tveggja daga fresti að öllu jöfnu.

„Það er mikið álag á bráðamóttökunni og deildinni, þetta er ansi þungt hjá okkur,“ segir Valtýr.

Ekki hafa komið upp ný smit síðustu daga og gerir Valtýr ráð fyrir að hópsýkingin sé að ganga yfir. Það sé vissulega jákvætt.

Frétt af mbl.is

Fimm börn á gjörgæslu

Opnuðu aftur í dag

E. coli-smitið hefur verið rakið til blandaðs nautgripa- og kindahakks sem börnin fengu í matinn á leikskólanum þann 17. október síðastliðinn. Var það niðurstaða rannsóknar að meðhöndlun og eldun þess hefði ekki verið með fullnægjandi hætti.

Frétt af mbl.is

E. coli-smitið rakið til blandaðs hakks

Hluti barnanna veiktist nokkrum dögum síðar, en alls smituðust yfir 40 börn.

Matráður Mánagarðs lét af störfum að eigin ósk eftir að sýkingin kom upp, en leikskólinn var opnaður aftur í dag eftir að hafa verið lokaður frá því E. coli-smit var staðfest. 

Frétt af mbl.is

Matráður Mánagarðs látið af störfum

Tengdar fréttir

E.coli-hópsýking á Mánagarði

Tíu börn á spítala, þar af tvö á gjörgæslu

• Mánagarður opnar á ný: Fella gjöld niður
• „Pottur brotinn í meðhöndlun hakksins“
• E. coli-smitið rakið til blandaðs hakks
• Matráður Mánagarðs látið af störfum

» Fleiri tengdar fréttir

• Blogga um frétt