Fylgi Viðreisnar heldur áfram að aukast og mælist það nú 19,4% í nýjustu skoðanakönnun Maskínu. Fylgið eykst þar með um þrjú prósentustig frá síðustu könnun.

Frétt af mbl.is

Maskína: Viðreisn næststærsti flokkurinn

Ekki er marktækur munur á fylgi Viðreisnar og Samfylkingarinnar, að því er Vísir greindi frá. Könnunin var framkvæmd dagana 1. til 6. nóvember.

Fylgi Samfylkingarinnar dregst saman frá síðustu könnun og er núna 20,9%.

Miðað við þetta eru Samfylkingin og Viðreisn með 31 þingmann og nálægt því að geta myndað tveggja flokka stjórn.

„Þetta er risastökk sem flokkurinn hefur verið að taka yfir nokkrar kannanir,“ sagði Eiríkur Bergmann, prófessor í stjórnmálafræði, við Vísi um Viðreisn.   

Miðflokkurinn mælist með 14,9% fylgi og Sjálfstæðisflokkurinn 13,3%. Fylgið dregst saman hjá báðum flokkum miðað við síðustu könnun og ekki er marktækur munur á fylgi þeirra flokka.

Flokkur fólksins mælist með 8,9%, Framsókn réttir aðeins úr kútnum frá síðustu könnun með 7,5% og Píratar mælast með 4,9%. Fylgi Vinstri grænna er 3,2% og fylgi Sósíalistaflokksins 4,5%.

Sigurður Ingi Jóhannsson, formaður Framsóknarflokksins. mbl.is/Hákon

Þá mælist Lýðræðisflokkurinn með 1,7% og Ábyrgð framtíð, sem aðeins býður fram í Reykjavík norður, mælist með 0,8%.

Tengdar fréttir

Alþingiskosningar 2024

Fá mat frá Múlakaffi á kjördag

• Beint: Kosningafundur atvinnulífsins
• Snörp orðaskipti um öryrkja sem sitja á Alþingi
• Ungir Framsóknarmenn á B5
• Tekur ekki undir orð Ragnars Þórs og Ásthildar Lóu

» Fleiri tengdar fréttir

• Blogga um frétt