Ástráður Haraldsson ríkissáttasemjari var í sambandi við forsvarsmenn Kennarasambands Íslands og Sambands íslenskra sveitarfélaga í dag. Þá fundaði hann með Læknafélagi Íslands.

Hann segir að ekki sé búið að boða til fundar á milli deiluaðilanna í kjaradeilu kennara en að hann verði aftur í sambandi við þá á morgun.

„Það er verið að vinna svona einhverja heimavinnu og leita einhverra lausna en það liggur engin ákvörðun fyrir um hvenær verður boðað til fundar.“

Allt í jákvæðum fasa

Hann segir hins vegar að hann hafi fundað með Læknafélagi Íslands í dag og að boðað hafi verið til annars fundar í fyrramálið.

„Það er fundur aftur í fyrramálið klukkan 10 og það er allt saman svona í einhverju ferli.“

Hann segist þó ekki geta sagt til um hvort það ferli muni skila árangri á næstu dögum eða ekki.

„Það er svo sem allt í jákvæðum fasa. Við erum að vísu í mjög umfangsmiklum verkefnum þannig að ég bara get ekki sagt til um hversu langan tíma það kann að taka eða hvort það takist yfir höfuð.“

Tengdar fréttir

Kjaraviðræður

„Sýnum þessu börnum og ungmennum nærgætni“

• Komið „meira púður“ í viðræðurnar
• Deilan enn í hnút eftir tveggja vikna verkföll
• Heimanám ekki verkfallsbrot
• Foreldrar barnanna finna fyrir neikvæðum áhrifum

» Fleiri tengdar fréttir

• Blogga um frétt