Björgunarsveitir sinntu verkefnum á Akureyri, Siglufirði og Grenivík vegna fokveðurs í kvöld.

„Það var allt að verða vitlaust þarna á Norðurlandi,“ segir Jón Þór Víglundsson, upplýsingafulltrúi Landsbjargar. 

Þak að fjúka af bóndabæ

Björgunarsveit hafi verið kölluð út á Grenivík þar sem þak á bóndabæ var að fjúka. Auglýsingaskilti á Glerártorgi á Akureyri og talsvert af lausamunum hafi fokið í fyrr í kvöld.

„Trampólín einhvers staðar uppi við Akureyrarkirkju, hjólhýsi á Hömrum og þakplötur bæði á Akureyri og Siglufirði þannig það er þó nokkuð um foktjón.“

Svo virðist þó sem að farið sé að róast niður og útköllum að fækka eftir því sem liðið hefur á kvöldið að sögn Jóns. 

Tengdar fréttir

Veður

Íbúar eigi ekki að dvelja í vissum herbergjum

• Súðarvíkurhlíð og fjöldahjálparstöðvum lokað
• „Allt í rusli“ við brúargerð á Vestfjörðum
• Óvissustig á Vestfjörðum
• Fjöldahjálparmiðstöðvar á Ísafirði og í Bolungarvík

» Fleiri tengdar fréttir

• Blogga um frétt