Beðnir um að aka varlega um Djúpveg
Ísafjörður.
Setja bókamerki
Vegagerðinni hefur tekist að laga Djúpveg í Ísafjarðardjúpi. Vegfarendur eru þó beðnir um að aka með varúð því grjót og aur gæti runnið úr hlíðum og lent á vegum.
Sömuleiðis er greiðfært frá NV Vestfjörðum og um þjóðveg nr 60, að því er segir í tilkynningu frá lögreglunni á Vestfjörðum.
Vegakafli í Arnarfirði, milli Bíldudalsflugvallar og Dynjandisheiði er aftur á móti lokaður vegna vegaskemmda.
Unnið að hreinsun
Unnið er að hreinsun vegarins um Eyrarhlíð, en þar féllu nokkur aurflóð í gær sem lokuðu veginum. Vegrið skemmdust við flóðin.
Veður er orðið skaplegt á Vestfjörðum og vonir standa til þess að hægt verði að opna veginn um Eyrarhlíð aftur í dag, vonandi um hádegisbilið.
Tré brotnuðu og umferðarskilti lagðist á hliðina
Munu áfrýja beint til Hæstaréttar
Skoða hvort Hvalur 8 og 9 geti hitað upp Suðurnes
Taldi betra fyrir drengina að deyja
Jón „mun ekki koma nálægt meðferð hvalamálsins“
Telja sig geta rekið Grindavík til 2026
