Sigmundur studdi vantraust á Sigríði
Setja bókamerki
Tengdar fréttir
Spursmál
Sigmundur Davíð Gunnlaugsson var í hópi þeirra 29 stjórnarandstöðuþingmanna sem studdu vantrausttillögu á Sigríði Á. Andersen, þáverandi dómsmálaráðherra.
Þetta er rifjað upp í Spursmálum þar sem Sigmundur Davíð er gestur. Fyrir skömmu var tilkynnt um að Sigríður tæki sæti sem annar oddvita Miðflokksins í Reykjavík.
Kaus með
Sigmundur ver ákvörðunina í Spursmálum en hún fól í sér atkvæðagreiðslu á Alþingi þann 6. mars 2018. Bergþór Ólason, þingflokksformaður Miðflokksins greiddi ekki atkvæði.
Vantraustið var lagt fram í kjölfar hins svokallaða Landsréttarmáls sem kom upp í kjölfar þess að nýju millidómstigi var komið á laggirnar og dómarar skipaðir í hinn nýja dóm. Var hart deilt á aðferðafræðina við skipanina sem þó hlaut áður en yfir lauk blessun þingsins.
Flutningsmönnum tillögunnar að vantrausti varð þó ekki kápan úr því klæðinu. Tillagan var felld með 29 atkvæðum gegn 33.
Gerði grein fyrir atkvæði sínu
Í meðfylgjandi myndskeiði má sjá hvernig Sigmundur Davíð færði rök fyrir máli sínu þegar hann gerði grein fyrir atkvæði sínu á Alþingi.
Farið um víðan völl
Í viðtalinu við Sigmund Davíð er farið yfir víðan völl, allt frá búvörusamningum til hugmynda Miðflokksins um að gefa íslensku þjóðinni 42,5% hlut í Íslandsbanka.
Viðtalið má sjá í heild sinni hér:
Tengdar fréttir
Spursmál
„Umferðin greinilega að þyngjast“
Leiðindaveður yfir jólahátíðina
Gular viðvaranir í dag og á morgun
Tilfellum RS-veiru fjölgar verulega
Clinton fluttur á sjúkrahús
„Á allt sitt undir því að njóta trausts almennings“
Neitaði sök um morð og hryðjuverk
Nokkur útköll hjá Landsbjörg