Margir hafa lýst eftirsjá sinni af Þórði Snæ Júlíussyni, frambjóðanda Samfylkingarinnar, eftir að hann tilkynnti í morgun að hann hugðist ekki taka sæti á þingi, hljóti hann slíkt.

Þórður Snær, sem skip­ar 3. sæti á lista Sam­fylk­ing­ar­inn­ar í Reykja­vík norður, birti yfirlýsingu í morgun þar sem hann sagðist ekki myndu taka sæti á þingi ef hann fengi slíkt. Held­ur hugðist hann eft­ir­láta næstu konu á list­an­um sæti sitt, sem yrði Dag­björt Há­kon­ar­dótt­ir þingmaður.

Til­efnið er um­fjöll­un um göm­ul skrif Þórðar Snæs á blogg­inu „Þess­ar elsk­ur“ frá 2004-2007 en þar gerði hann kon­ur gjarn­an að um­fjöll­un­ar­efni sínu, oft á niðrandi og klám­feng­inn hátt.

Frétt af mbl.is

Þórður mun ekki taka þingsæti

Þórður Snær Júlíusson fjölmiðlamaður. mbl.is/María Matthíasdóttir

„Lélega“ íslenska vinstrið leyfi „skrímsladeildinni“ að spila með

Smári McCarthy, fyrrverandi þingmaður Pírata, skrifar ummæli undir færslu Þórðar á Facebook þess efnis að það sé óþolandi að hann sé dæmdur fyrir það sem hann var, en ekki það sem hann sé.

„Það var ráðist svona hart gegn þér af því að það er fólk í þeim flokkum sem er hrætt við þig, og hvað þú getur gert þeim. Öll ættu að íhuga vandlega hvað við höfum nú misst,“ bætir Smári við.

Helgi Seljan, fyrrverandi samstarfsmaður Þórðar á Heimildinni skrifar: „Þú ert stærri og meiri en flestir gæskur. Þetta sýnir það bara. Allt að sólu.“

Helgi Seljan rannsóknarblaðamaður.

Guðmundur Hörður Guðmundsson, kynningarstjóri Háskóla Íslands, skrifar: „Til hamingju skrímsladeild Sjálfstæðisflokks. Ég efast um að það sé til lélegra vinstri en það íslenska - það lætur skrímsladeildinni alltaf spila með.“

Fyrrverandi stjórnendur Samfylkingarinnar harma að sjá Þórð fara

Karen Kjartansdóttir, ráðgjafi og fyrrverandi framkvæmdastjóri Samfylkingarinnar, segist vona innilega að Þórður haldi áfram að miðla þeirri „dýrmætu reynslu og innsýn jafnvel þótt það verði ekki á vettvangi Alþingis“. Sjálf hefðu hún kosið að sjá hann taka sæti á Alþingi.

„Lykilatriði í réttlátu og mannúðlegu samfélagi er að við treystum því að fólk geti breyst, lært af reynslu sinni og vaxið sem einstaklingar,“ skrifar Karen í ummælum undir yfirlýsingu Þórðar

Karen Kjartansdóttir.

„Uppgjör við þessa menningu var löngu tímabær en við verðum líka að tryggja að fólki sé gefið tækifæri til að þroskast og bæta fyrir mistök sín þegar það axlar ábyrgð af heilindum og hefur sýnt að það er annað en það var. Það er með gildum eins og fyrirgefningu, þroska og vilja til að bæta sig að við byggjum betra samfélag,“ bætir hún við.

Vilhjálmur Þorsteinsson, fyrrverandi gjaldkeri Samfylkingarinnar, skrifar í ummælum: „Æ, æ, þetta er mikil synd. Þarna missa landsmenn af tækifæri til að fá á Alþingi einn af betri talentum sem þar hefur sóst eftir sæti nýlega.“

Vilhjálmur Þorsteinsson, fyrrverandi gjaldkeri Samfylkingarinnar.

Benda á Klausturssveina

Gunnar Andreas Kristinsson tónskáld og Erlendur S. Þorsteinsson reiknifræðingur benda báðir á Klaustursmenn í færslum á X. Gunnar segir pressuna nú færast á Klaustursbræður.

„Vandamálið við það að góða fólkið taki ábyrgð á brestum sínum er að vonda fólkið gerir það ekki. Hvenær hyggst Miðflokkurinn og Klaustursveinar hans taka ábyrgð á skoðunum sínum og orðum?,“ spyr Erlendur.

Grínistinn og rapparinn Dóri DNA skrifar færslu á X þar sem hann vitnar í yfirlýsingu Þórðar og segir síðan: „Að éta sjálfan sig. The vegan version.“

„Heiðarlega skrifað“

Sigurþóra Bergsdóttir hjá Berginu Headspace segist á Facebook vera sorgmædd að sjá Þórð fara. „Ég virði hans ákvörðun og skil hana en vona að okkar leiðir liggi saman síðar.“

Teitur Örlygsson körfuknattleikssérfræðingur segir yfirlýsingu Þórðar vera mjög góða.

„Þetta er heiðarlega skrifað,“ skrifar Illugi Jökulson í færslu á Facebook þar sem hann deili yfirlýsingu Illuga.

Tengdar fréttir

Alþingiskosningar 2024

Umræðan var óþægileg fyrir Þórð og flokkinn allan

• „Það er sárt að svona fór“
• „Þetta er algerlega hans ákvörðun“
• Þórður mun ekki taka þingsæti
• Ekki eins og jólasveinn á hreindýrssleða

» Fleiri tengdar fréttir

• Blogga um frétt