Kjaradeilu Læknafélags Íslands og ríkisins miðar vel áfram, að sögn Ástráðs Haraldssonar ríkissáttasemjara. Fundað var hjá ríkissáttasemjara alla helgina og segir Ástráður að „mikil jákvæð vinna“ sé í gangi. 

Læknafélagið hefur boðað til verkfallsaðgerða eftir rúma viku eða 25. nóvember, náist samningar ekki fyrir þann tíma. Þær aðgerðir munu ná til lækna sem starfa á Landspítalanum, öðrum heilbrigðisstofnunum sem og heilsugæslustöðvum, fyrir utan þær einkareknu. 

Fulla ferð áfram

Steinunn Þórðardóttir, formaður Læknasambands Íslands, sagði í samtali við mbl.is fyrr í vikunni að meiri hraði hafi færst í viðræðurnar eftir að boðað var til verkfallsaðgerða. 

Frétt af mbl.is

Komið „meira púður“ í viðræðurnar

Spurður hvort hann sé bjartsýnn á að það takist að semja áður en að fyrirhuguð verkföll hefjist segir Ástráður að hann geti ekkert fullyrt um það, en stefnt sé að því. 

„Við erum á fullri ferð áfram,“ segir hann að lokum. 

Steinunn Þórðardóttir, formaður Læknafélag Íslands. Morgunblaðið/Sigurður Bogi

Tengdar fréttir

Kjaraviðræður

Einkennilegt að vera með „örhóp“ í verkfalli

• Afi sendir Kennarasambandinu reikning vegna tekjutaps
• Enn þokast lítið í kjaradeilu kennara
• Unnu eftir kröfugerð sem lögð var fram í upphafi
• Hjúkrunarfræðingar skrifa undir kjarasamning

» Fleiri tengdar fréttir

• Blogga um frétt