Gæsluvarðhald framlengt vegna stunguárásar í Grafarvogi

Gæsluvarðhald yfir karlmanni á þrítugsaldri sem er grunaður um að hafa stungið karlmann á fertugsaldri í Grafarvogi í síðasta mánuði hefur verið framlengt til 9. desember.

Gæsluvarðhald yfir manninum átti að renna út síðastliðinn fimmtudag, en fram kom í tilkynningu lögreglunnar í síðasta mánuði að maðurinn sem varð fyrir árásinni hefði hlotið lífhættulegan stunguákverka á líkama. Hann var fluttur á bráðamóttöku þar sem gert varð að sárum hans.

Frétt af mbl.is

Einn í haldi vegna stunguárásar í Grafarvogi

„Rannsókn málsins miðar vel. Við erum með góða mynd af því sem þarna gerðist og erum að bíða eftir sérfræðigögnum, læknisvottorðum og þess háttar,“ segir Eiríkur Valberg, fulltrúi í miðlægri rannsóknardeild lögreglunnar á höfuðborgarsvæðinu, við mbl.is.

• Blogga um frétt