Innlent | mbl | 18.11.2024 | 18:21

„Þar er víða pottur brotinn“

Ólafur Adolfsson, oddviti Sjálfstæðisflokksins í Norðvesturkjördæmi, sér ekkert því til fyrirstöðu að veita heilbrigðisstarfsmönnum á landsbyggðinni skattaafslátt til þess að leysa mönnunarvanda.

„Við eigum að laða heilbrigðisstarfsfólk að okkur með því að bjóða einhverja gulrót. Ég held að það séu alveg tækifæri í því,“ segir hann og bendir á að Norðmenn veiti fólki í dreifbýli skattafslátt.

Ólafur ferðast nú um kjördæmið sem nýr oddviti og segir samgöngumál brenna á kjósendum í kjördæminu.

„Þar er víða pottur brotinn,“ segir hann um samgönguinnviði í kjördæminu.

Frétt af mbl.is

Oddvitaviðtöl í Norðvesturkjördæmi

Má ekki hamla verðmætasköpun

Á Vestfjörðum er staða samgönguinnviða slæm og Ólafur segir það ekki mega gerast að bágborin staða samgöngumála hamli verðmætasköpun á svæðinu.

„Að fyrirtæki lendi ekki í því að koma ekki afurðum frá sér eða birgðir séu sóttar og það getur auðvitað munað ansi miklu. Þetta eru tugmilljarða verðmæti.“